کوہ نور چیک پوسٹ آ گاڈی اسے پٹنگ نا وخت آ بھلو کچ اسے ٹی بارودی مواد دوئی

کوہ نور چیک پوسٹ آ گاڈی اسے پٹنگ نا وخت آ بھلو کچ اسے ٹی بارودی مواد دوئی

راولپنڈی(پاکستان نیوزپوائنٹ12اکتوبر2017ء) تھانہ نصیر آباد نا علاقہ کوہ نور ملز چیک پوسٹ آ گاڈی اسے پٹنگ نا وخت آ پولیس بھلو کچ اسے ٹی بارودی مواد دوئی کرینے وخت اس کہ دوبہ دار موقع غان نرانے۔ تھانہ نصیر آباد نا انسپکٹر چوہدری اختر علی ”اے پی پی“ تون ہیت وگپ کرسا پارے کہ پنچ شنبے نادے کوہ نور ملز ناکہ غا پٹنگ نا غرض اٹ پیہن ءُ گاڈی نمبر ایچ کے 716اسلام آباد ءِ توننگا تو پٹنگ نا وخت آ گاڈی آن بھلو کچ اسے ٹی بارودی مواد 600 ڈائینامائیٹس دوئی مس۔

ہنداٹی دوبہ دار موقع غان نرنگ اٹ سرسہب مس ہرادے دزگیر کننگ کن چندی ٹیمک کاریم کننگ ءُ۔ دوبہ دار(ڈیور) مزمل خان ولد نذرخان ہرانا تعلق نوشہرہ روڈ مردان آن ءِ۔ پولیس گاڈی و بارودی مواد آتے تینا کوزہ ٹی ہلکونے۔ پولیس مقدمہ ءِ درج کرسا دوبہ دار نا دزگیری و گاڈی نا ملک اسکان سرمننگ کن پٹ وپولی ٹیم اس جوڑ کرینے۔