اسلام آباد(پاکستان نیوز پوائنٹ 24اگست 2016ء) وزیراعظم محمد نواز شریف جتا مسالک نا پیروکار آتا نیام اٹ بین العقیدہ ہم آہنگی نا مون آ دننگ کن عالم دین و مذہبی دانشورآتا کڑد ءِ تالان کرسا داہیت آ زورشاغا کہ ننے پرامن بقاء تین پہ تینی و مذہبی ہم آہنگی نا تینا اسیجائی مقصد نا دوئی کن سگ، رواداری و تین پہ تینی شرف نا بڑزکو اقدار ءِ مون آ دننگ نا گرج ءِ۔
او داہیت ءِ چارشنبے آ داؤدی بوہرہ برادری نا سروک ڈاکٹر سید نامفضل سیف الدین نا سروکی ٹی اوڑدہی کروک آ ڈل اتون ہیت وگپ کرسا پارے۔ وزیراعظم ڈاکٹر سید نامفضل سیف الدین خیر مقدم ءِ کرسا پارے کہ اونا دورہ پاکستان آن الس نا نیام اٹ راجی و دودوربیدہ ہی رشتہ غاتا مون آ دننگ اٹ کمک رسینگک۔ وزیراعظم پارے کہ پاکستان اٹی رہینگوک بوہرہ برادری قومی شون خاص کر ملک اٹی واپاری سرجزآتیٹی ودکی کن بھاز اہم کڑد ادا کرینے، تعلیم ، جان جوڑی تون اوار راجی بشخ اٹی اونا خذمت آک ہم ستاکڑزرہ۔
ڈاکٹر سید نامفضل سیف الدین پارے کہ پاکستان اٹی رہینگوک بوہرہ برادری ملکی شون و شونہالی نا بابت آن کڑدا دا کرسا تینے اسہ میراث اس ثابت کرینو۔ اوحکومت نا سخت کوشست آتیا وزیراعظم ءِ خراج تحسین پیش کرے ہرانا نتیجہ ٹی پاکستان اٹی اقتصادی حالیت آتیٹی نمان گچینی بسنے۔ اوملک اٹی امن و سوگوی نا اڈتننگ کن حکومت نا کوشست آتا ہم ستاءِ کرے۔ ڈاکٹر سید نامفضل سیف الدین پارے کہ ننا برادری ملک انا گچین خذمت کن پوسکنا جوش و جوزہ تون تینا پاکستانی ہم وطن آتون اواری اٹ کاریم کیرہ۔
