اسلام آباد(پاکستان نیوز پوائنٹ 24اگست 2016ء) وزیراعظم محمد نوازشریف پارینے کہ بلوچستان اونا است آن بھاز خڑک ءِ ، فوجی و سویلین سیکورٹی کارندہ و صوبہ نا امن پسند خلقت آتا بے پناہ قربانی تا بدولت بلوچستان اٹی امن بحال مسنے، نن امن و شون نا دژمن تے صوبہ ٹی شون نا عمل اٹی اڑاند شاغنگ نا وخت اس ہم موکل تفنہ۔ اوداہیت ءِ وزیراعلیٰ بلوچستان نواب ثناء اللہ زہری تون چارشنبے آ وزیراعظم ہاؤس اٹی ہیت وگپ کرسا پارے۔
وزیراعلیٰ وزیراعظم ءِ صوبہ ٹی جمی سلامتی نا حالیت خاص کر کوئٹہ جلہو آن گڈ شاری تا امن و سلامتی ءِ باوری جوڑ کننگ کن صوبائی حکومت نا کنڈآن چست کروک آ گام گیج آتا بارواٹی معلومدار کرے۔ اووزیراعظم ءِ بلوچستان نا کیہی بشخ آتیٹی جاری شونداری ڈٹ و شرحالی اسکیم آتا بارواٹی ہم پارے۔ وزیراعظم محمد نواز شریف پارے کہ بنجائی حکومت بلوچستان نا الس نا زند انا معیار ءِ بڑز کننگ کن صوبہ ٹی بنداوی ڈھانچہ نا شون و شرحالی ڈٹ آتے مون آ ودفنگ کن پرعزم ءِ۔ اوپارے کہ صوبہ بلوچستان ءِ پاک چین اقتصادی راہداری نا غٹ آن زیات فائدہ دوئی مریک۔
