اسلام آباد(پاکستان نیوز پوائنٹ 24اگست 2016ء) مزن وزیر محمد نواز شریف ءَ گشتگ انت کہ بلوچستان آئی ءِ دل ءَ باز نزد انت ، فوجی ءُُ سویلین سیکورٹی کارندہ ءُُ صوبہ ءِ امن پسند مردم آنی بے پناہ قربانی ءِ وجہ ءَ بلوچستان ءَ امن بحال بوتگ انت، ماں امن ءُُ دیمروی ءِ دژمن ءَ صوبہ ءِ دیمروی ءِ کار ءَ رکاوٹ مان کنگ ءِ ھچ موکل نہ دئینت۔ آئی ءَ اے گپ سر وزیر بلوچستان سردار ثناء اللہ زہری ءِ گوں چار شمبے ءَ مزن گِس ءَ گپ ءُُ تران کنگ ءَ کرتگ۔
سر وزیر ءَ مزن وزیر ءَ صوبہ ءِ سرجمیں سلامتی ءِ جاورال ھاس کنگ کوئٹہ اُرش ءَ پد شہر ءِ امن ءُُ سلامتی ءَ یقینی جوڑ کنگ ءِ ھاتر ءَ صوبائی حکومت ءِ نیمگ ءَ زرتگیں گام گیج ءِ بارواہ آگاہ کرتگ۔ آئی ءَ مزن وزیر ءَ بلوچستان ءِ لہتیں بہر آں برجاہ دیمروی منصوبہ ءُُ فلاحی سکیم آنی باروا ہم گشتگ۔ مزن وزیر نواز شریف ءَ گشتگ کہ بنجاہی حکومت بلوچستان ءِ اُلس ءِ معیار زند برز کنگ ءِ ھاتر ءَ صوبہ ءَ بنیاتی ڈھانچہ ءِ دیمروی ءُُ فلاحی منصوبہ ءَ دیما بررگ ءِ ھاتر ءَ پر ازم انت۔ آئی ءَ گشتگ کہ صوبہ بلوچستان ءَ پاک چین اقتصادی راہداری ءِ کل آں چہ زیات پادگ بہ رسیت۔
