نیشنل ایکشن پلان ءِ سرا عمل کنگ ءِ چار ءُُ تپاس ءِ ھاتر ءَ مزن وزیر محمد نواز شریفءِ پاگواجہی ءَ دیوان

نیشنل ایکشن پلان ءِ سرا عمل کنگ ءِ چار ءُُ تپاس ءِ ھاتر ءَ مزن وزیر محمد نواز شریفءِ پاگواجہی ءَ دیوان

اسلام آباد(پاکستان نیوز پوائنٹ 24اگست 2016ء) مزن وزیر محمدنواز شریف ءَ لہتیں صوبائی ءُُ بنجاہی ایجنسی آنی نیمگ ءَ نیشنل ایکشن پلان ءِ سرا عمل کنگ ءَ پیشرفت ءِ سرا تسلا ءِ درشانی کنگ ءَ اے کار ءَ دِگہ تیز کنگءِ پنت ءُُ شون کرتگ انت۔ نیشنل ایکشن پلان ءِ سرا عمل کنگ دیمروی ءِ چار ءُُ تپاس ءِ ھاتر ءَ چار شمبے ءَ مزن وزیر محمد نواز شریف ءِ پاگواجہی ءَ مزن گِس ءَ دیوان بوتگ۔

دیوان ءَ اے ازم ءِ درشانی کرتگ کہ نا شرکاری ءِ لعنت ءِ ھلاسی نہ گڑا چوائس ءُُ نہ چہ وت پہ وت بلکں اے مئے وجود ءُُ بقاء ءِ ھاتر ءَ المی انت، مزن وزیر کار گِس ءِ نینگ ءَ برجاہ بیان ءِ ردا دیوان ءَ انسداد نا شرکاری کوشست ءِ باروا لہتیں قانود ءِ ہم چار ءُُ تپاس گپت انت ءُُ اے قانود ءَ زیات شر جوڑ کنگ ءِ ھوالہ ءَ عمل کنگ ءِ جاورال ءِ باروا پریزینٹیشن داتگ۔

مزن وزیر ءَ تنے وھدے لہتیں صوبائی ءُُ بنجاہی ایجنسی آنی نیمگءَ بوؤکیں پیشرفت ءِ سرا تسلا ءِ درشانی کنگ ءَ پنت ءُُ شون کرتگ کہ عمل کنگ ءِ رفتار دِگہ تیز بہ کن ات۔ فاٹا گہتری کمیٹی ءِ نیمگ ءَ مزن وزیر ءَ پیش کرتگیں رپورٹ ءِ سرا ہم ھیال ءُُ لیکھہ بوتگ ءُُ اے پیسلہ کرت انتکہ کمیٹی ءِ سفارشت ءِ سرا بنجاہی تپاک رائے وضع کنگ ءِ ھاترءَ دِگہ بحث ءُُ مباحثہ ءِ ھاتر ءَ اے رپورٹ ءَ لس کنگ بہ بیت۔ دیوان ءَ وزیر خزانہ محمد اسحاق ڈار ، وزیر داخلہ چوہدری نثار علی خان، چیف آف آرمی سٹاف جنرل راحیل شریف، مزن وزیر ءِ مشیر برائے خارجہ امور سرتاج عزیز، ڈی جی آئی ایس آئی لیفٹیننٹ جنرل رضوان اختر ءُُ دومی سینئر حکام ءَ بہر زرت انت۔