اسلام آباد(پاکستان نیوز پوائنٹ 24اگست 2016ء) صدر مملکت ممنون حسین ءَ گشتگ انت کہ پاکستان ءَ سرمایہ کاری ءِ بے پناہ موہ ھست انت آئی ءَ میاں استمانی سرمایہ کار آں زیات ءَ چہ زیات پائدگ زورگ لوٹیت۔ صدر مملکت ءَ اے ھیال آنی درشانی ایوان صدر ءَ ترک سرمایہ کار کمپنی ءِ او سی ہولڈنگ ءِ صدر فتحی کمال ابیکلی اوگلو ءِ سروکی ءَ ترکی ءِ مزنیں سرمایہ کار گروپ ءِ ٹولہ ءَ چار شمبے ءَ گند ءُُ نند ءِ وھد ءَ کرتگ۔
اے موہ ءَ پاکستان ءَ ترکی ءِ سفیر صادق بابر گرگن ہم ھوار ات۔ صدر مملکت ءَ گشتگ کہ پاکستان ءَ امن و امان ءِ جاورال باز شر بوتگ انت۔ حکومت پاکستان ء۔ سرمایہ کاری کنوک سرمایہ کار آں درستیں اسراتی دئیگ ءَ انت ءُُ ہمے وجہ انت کہ میاں استمانی سرمایہ کار پاکستان ءَ وتی سرمایہ جنئگ ءَ انت۔ ہمے ھاتر ءَ پاکستان ءِ زر مبادلہ ءَ خاصا اضافہ بوتگ انت۔
اے پاکستان ءِ سرا بھروسہ ءِ درشانی انت۔ صدر مملکت ءَ گشتگ کہ پاکستان ءِ ترکی ءِ گوں براتی سیادی است انت ءُُ دوئیں ملک آں ہر مشکل وھد ءَ یک دومی ءِ گوں کمک کرتگ انت۔ آئیء َ گشتگ کہ ترکی ءِ سرمایہ کارآں پاکستان ءَ زیات ءَ چہ زیات سرمایہ کاری کنگ لوٹیت تنکہ اے سیادی ءَ دِگہ زیات بہ بیت۔ آئی ءَ گشتگ کہ دوئیں ملک آں سرمایہ کاری ءِ زانتکاری ءَ کم انت آئی ءَ بازیں ھد ءَ زیات کرت کن انت۔
صدر ءَ گشتگ کہ پاکستان ءَ توان ءِ پیداوار ءُُ جوڑ ءُُ جاڑی ءِ منصوبہ ءَ سرمایہ کاری ءِ بے پناہ موہ است انت آئی ءَ ترکی ءِ سرمایہ کار وتی بہر مان بہ کن انت۔ صدر مملکت ءَ ٹولہ ءِ سرا زور داتگ کہ آ دومی سرمایہ کار آں ہم پاکستان ءَ سرمایہ کاری ءِ نیمگ ءَ بیار ات۔ ٹولہ ءَ سروک ءُُ کے او سی ہولڈنگ ءِ صدر فتحی کمال ابیکلی اوگلو ءَ صدر مملکت ءِ شکر ءَ گپتگ ءُُ آھاں ترکی ءِ سرمایہ کار آں پاکستان ءَ سرمایہ کاری ءِ نیمگ ءَ دیان دئیگ ءِ وتی کرد پیش دئیگ ءِ یقین داتگ۔
