ننکن قومی فخر انا لمحہ سے ، ننا کرکٹ ٹیم ثابت کرینے کہ او دنیا ٹی گچین انگا کرکٹ ٹیم ءِ ، وزیراعظم محمد نواز شریف

اسلام آباد(پاکستان نیوز پوائنٹ 23اگست 2016ء) وزیراعظم محمد نواز شریف انٹرنیشنل ٹیسٹ کرکٹ اٹی بڑزترین درجہ بندی دوئی کننگ آ پاکستان کرکٹ بورڈ نا انتظامیہ، قومی کرکٹ ٹیم و قوم ءِ مبارکبادی تسنے۔ وزیراعظم ہاؤس نا رداٹ سے شنبے آ اسہ کلہو اسے ٹی وزیراعظم پارے کہ درحقیقت دا ننکن قومی فخر انا لمحہ سے، ننا کرکٹ ٹیم ثابت کرینے کہ او دنیا ناگچین کرکٹ ٹیم ءِ۔ وزیراعظم محمد نواز شریف پارے کہ مصباح الحق نا کیپٹنی ٹی کرکٹ ٹیم مسکوہی ٹیسٹ میچ انا وخت آ شون و شان کسبی مہارت و ٹیم ورک نا درشانی ءِ کرے۔ نن اومیت کینہ کہ اونا شون و شان کارکڑد ہنداجوزہ تون برجاء سلک و قومی ٹیم بروک آوخت آتیٹی ملک اکن پین سرسہبی ہتیک بریک۔