اسلام آباد (پاکستان نیوز پوائنٹ 22اگست 2016ء) مچ آملک اٹی 12304غیر روایتی بنداوی کمیونٹی اسکول (بی ای سی ایس) کاریم کننگ ءُ۔ دوشنبے آ وزارت بنجائی تعلیم و کسبی تربیت نا کمامدارآک ”اے پی پی“ ءِ پاریر کہ پنجاب اٹی 5687بنداوی کمیونٹی اسکول کاریم کننگ ءُ وخت اس کہ سندھ اٹی دا کچ اسہ ہزار 674ءِ۔ کمامدارآک پاریر کہ خیبر پختونخواٹی اسہ ہزار 399 و بلوچستان اٹی 607 غیر روایتی بنداوی کمیونٹی کاریم کننگ ءُ۔
آزاد جموں و کشمیر اٹی 2013ء ٹی بنداوی کمیونٹی اسکول ملنگا۔ گلگت بلتستان اٹی 1425و اسلام آباد اٹی 248 بنداوی کمیونٹی اسکول کاریم کننگ ءُ۔ بنداوی کمیونٹی اسکول آتا اڈتننگ نا مقصد مر مر انگا و کم شون ہلوک علاقہ غاتیٹی طالب علم آتے پرائمری کہول انا تعلیم اوفتا اُراتا خڑک تننگ نا ءِ۔ بنداوی کمیونٹی اسکول زیات تر اسہ استاد اسے نا چاروکی ٹی اسہ کمرہ اسے نا ماڑی آ تالان مریک ہراٹی ہموعلاقہ نا خڑک انا اُراتا چناک تعلیم دوئی کیرہ۔ دا اسکول آتا اڈتننگ زیات تر ہمو علاقہ غاتیٹی کننگک ہراڑے آبادی کم و اوفتا خڑک آ باقاعدہ تعلیمی ادارہ مف۔
