کوئٹہ(پاکستان نیوز پوائنٹ 23اگست 2016ء) فرنٹیئر کور بلوچستان و کانود نافذ کروک آ ادارہ غاک بلوچستان نا علاقہ بارکھان اٹی اسیجائی کارروائی کرسا تخریب کاری نا ڈٹ ءِ بے سہب جوڑ کریر۔ ترجمان ایف سی نا رداٹ سے شنبے آ بلوچستان ناعلاقہ بارکھان اٹی فرنٹیئر کور بلوچستان و کانود نافذ کروک آ ادارہ بروخت کارروائی کرسا بارکھان نا علاقہ چھپر اٹی کارروائی نا وخت آ بھلو کچ اسے آ گولہ بارود و دوئی کریر۔
کوزہ ٹی ہلوک آ سلہہ غاتیٹی مسہ مصل لانچر، 60 دانہ راکٹ گولہ، 46دانہ مارٹر گولہ، 8 دانہ مائنز، 6کلوبارود، 150 دانہ ڈیٹونیٹر، فیوز پریشر بٹن و ایلو تخریب کاری نا گڑاک اوارو، دہشت گرد آک 26اگست آ اکبر بگٹی نا برسی نا وخت آ الس و سیکورٹی فورسز آتے نشانہ جوڑ کننگ خوائسرہ ۔ فرنٹیئر کور بلوچستان مستی علاقہ ٹی سرچ آپریشن نا بناءِ کرے۔
