بنجائی وزیر پرویز رشید نا کراچی ٹی ڈان نیوز ٹی وی چینل نا ویگن آ سم کاری نا واقعہ نا مذمت

اسلام آباد(پاکستان نیوز پوائنٹ 18اگست 2016ء) بنجائی وزیر اطلاعات ، نشریات و قومی میراث سینیٹر پرویز رشید کراچی ٹی ڈان نیوز ٹی وی چینل نا ویگن آ سم کاری نا واقعہ نا ترندی اٹ مذمت ءِ کرینے۔ پنچ شنبے آ جاری بیان نا رداٹ بنجائی وزیر اطلاعات و نشریات پارے کہ دا وڑنا جلہو آک اظہاررائے نا آجوئی آ جلہو نا مترادف و حکومت کن ناقابل قبول ءُ۔ اوپارے کہ بنجائی حکومت صوبائی حکومت آتا کمکاری آن میڈیا تون وابستہ بندغ آتا رکھ و سلامتی ءِ باوری جوڑ کننگ کن ہروڑنا گام گیج کننگ ءِ۔ بنجائی وزیر پارے کہ صوبائی حکومت ءِ دا واقعہ نا دمدستی نوٹس ءِ ہلسا زمہ وار آتا برخلاف کارروائی کروئی مرے۔ اوواقعہ ٹی ٹھپی بندغ آتا زوت جان جوڑی کن دعا کرے۔