اسلام آباد(پاکستان نیوز پوائنٹ 18اگست 2016ء) وزیراعظم محمد نواز شریف پارینے کہ حکومت گلگت بلتستان نا راجی و اقتصادی شون اکن جتا شونداری گام گیج کرینے۔ کیہی ڈٹ آتیا پیش رفت نا جاچ ءِ ہلنگ کن زوت گلگت بلتستان نا دورہ کیوہ۔ او وزیراعلیٰ گلگت بلتستان حافظ حفیظ الرحمان تون ہیت وگپ کریکہ ہراک پنچ شنبے آ داڑے وزیراعظم ہاؤس اٹی اوڑتون اوڑدہی کریر۔
وزیراعلیٰ وزیراعظم ءِ گلگت بلتستان نا برجاء شونداری ڈٹ آتا بارواٹی معلومدار کرے۔ او وزیراعظم ءِ گلگت بلتستان آن تعلقدار پاکستان مسلم لیگ (ن) نا معاملہ غاتا بارواٹی ہم پارے۔ وزیراعظم محمد نواز شریف پارے کہ گلگت بلتستان نا الس پاکستان کن عظیم قربانی تسنو ہرا اوفتا ملک اتون والہانہ مابت نا عکاس ءِ۔ اوپارے کہ گلگت بلتستان نا الس نا قومی شون و شونہالی ٹی کڑد ستاکڑزک۔
