اسلام آباد(پاکستان نیوزپوائنٹ 16اگست 2016ء) پاکستان تحریک انصاف نا راہشون باسک قومی اسمبلی اسد عمر بھارتی وزیراعظم نریندر مودی نا ساڑی آ بیان نا مذمت ءِ کرسا پارے کہ ملک اٹی نیام تمنگ و دہشت گردی ءِ بے سہب جوڑ کرسا جہانی کہول آ بھارت نا چہرہ ءِ مون آ ہتوئی مریک ۔ سے شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ بھارتی وزیراعظم کشمیر نا بابت اولیکو وا ر بیان تتنے بلکن داکان مست ہم او دنو بیان ترسا کرینے۔
بھارتی وزیراعظم گجرات اٹی بے گناہ مسلمان تا لس خون ءِ تو کننگ کیک ولے پاکستان نا تہہ ٹی بھارت ءِ دہشت گردی کننگ کن الیپنہ۔ اوپارے کہ بھارتی وزیراعظم نا سلاہکار تینا تقریر اٹی پارینے کہ داساجنگ پاکستان نا تہہ ٹی کینہ۔ اوپارے کہ ننے حالیت آتے مون آ تخسا خارجہ پالیسی آ نظر ثانی کروئی مرے۔
