اسلام آباد(پاکستان نیوزپوائنٹ 16اگست 2016ء) جرنلسٹ پروٹیکشن کونسل مچ آ ملک انا صحافی تے مفت کانودی کمک فراوان کننگ نا پڑو ءِ کرینے۔ سے شنبے آ کونسل نا صدر سید عون شیرازی ایڈووکیٹ ایف ایٹ کچہری ٹی صحافی تتون ہیت وگپ کرسا پارے کہ جرنلسٹ پروٹیکشن کونسل مچ آ ملک و خاص وڑاٹ جاڑ انگا شارتیٹی کاریم کروک آصحافی تے مفت کانودی کمک فراوان کیک۔ اوپارے کہ صحافت تون وابستہ بندغ آتے تینا کسبی زمہ واری تتون اوار معاملہ سے آ کانودی کمک نا گرج مرے تو او جرنلسٹ پروٹیکشن کونسل نا چیمبرز تون رابطہ کننگ کیک۔
اودے مفت کانودی کمک تننگک۔ سید عون شیرازی ایڈووکیٹ پارے کہ کونسل داوخت اسکان آئی ٹی این ای تون اوار کیہی عدالت آتیٹی 25مقدمہ غاتیٹی مفت کانودی کمکاری فراوان کرینے۔ اوپارے کہ کونسل صحافی تا کسبی زمہ واری تا سرحال آ کیہی تربیتی سیمینار ز آتا انعقاد ءِ کرینے۔ اسہ سوج اسے نا ورندی ٹی سید عون شیرازی ایڈووکیٹ پارے کہ جرنلسٹ پروٹیکشن کونسل اسہ رجسٹرار ادارہ اسے و مچ آ ملک اٹی صحافی تے کانودی کمک فراوان کننگ کن کاریم کننگ ءِ۔ او مستی پارے کہ ہراپرائیویٹ ادارہ غاک بروخت تینا کارندہ غاتے بروخت تنخواہ تفننگ ءُ ، اوفتے چھٹی راہی کننگ اُن، اگہ عمل کننگ توتو عدالت تون رجوع کننگک۔
