اسلام آباد (پاکستان نیوزپوائنٹ 16اگست 2016ء) مسلم لیگ (ن) نا راہشون و باسک قومی اسمبلی وحید عالم خان پارینے کہ بنجائی تون نیشنل ایکشن پلان نا چار شق ءُ ہرافتیا عمل کننگا ایلو شق آتیا صوبہ غاتے عمل کروئی ئسک، ملک اٹی دہشت گردی نا چٹفنگ کن حکومت و عسکری سروک آ اسہ پنہ غاٹی ءُ۔ سے شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ غٹ سیاسی جماعت آک دہشت گردی نا برخلاف نیشنل ایکشن پلان آ اتفاق کریر ہرانا نتیجہ ٹی بیست ٹک مرتب کننگا ہرافتے ٹی چار شق آتیا بنجا عمل کرے وخت اس کہ ایلو 16ٹک آتیا صوبہ غاتے عمل کروئی ءِ۔
دابابت آن وزیراعظم اسہ کمیٹی اس جوڑ کرینے ہرا عملدرآمد ءِ باوری جوڑ کننگ کن کاریم کیک۔ اسہ سوج اسے نا ورندی ٹی اوپارے کہ وزیراعظم پاکستان و عسکری سروک آک ملک اٹی دہشت گردی نا چٹفنگ کن اسہ پنہ غاٹی ءُ و ملک اٹی دہشت گردی نا چٹفنگ کن غٹ متفق ءُ۔
