کل قوم دہشت گرد آتا برخلاف یکجاءِ، درندہ صفت عنصر آتے اوفتا انجام اسکان سرکننگک، ایم پی اے میر غلام دستگیر بادینی

کوئٹہ (پاکستان نیوز پوائنٹ 09 اگست2016ء) پاکستان مسلم لیگ (ن) نا راہشون ، صوبائی اسمبلی نا باسک میر غلام دستگیر بادینی کوئٹہ سول ہسپتال اٹی مروک آ بمب دھماکہ نا ترندی اٹ مذمت ءِ کرسا دہشت گردی نا داواقعہ ءِ بلوچستان نا تاریخ نا سیاہ ترین دے گوندانے۔ اوداہیت ءِ ”اے پی پی“ تون ہیت وگپ کرسا پارے۔ اوواقعہ ٹی وکلاء ، صحافی و ایلو بندغ آتا تپاخت مننگ آ ڈکھ و افسوز و وارث آتون ہمدردی و ہڑزخواہی نا درشانی ءِ کرسا دعا کرینے کہ اللہ تعالیٰ تپاخت کروک آ بندغ آتے جنت الفردوس اٹی جاگہ ایتے و ٹھپی مروک آتا زوت جان جوڑ کے۔ اوپارے کہ کل قوم دہشت گرد آتا برخلاف یکجاءِ و درندہ صفت عنصر آتے اوفتا ایسری انجام اسکان سرکننگک۔