سانحہ کوئٹہ نا برخلاف مچ آ بلوچستان اٹی شٹرڈاؤن ہڑتال

سانحہ کوئٹہ نا برخلاف مچ آ بلوچستان اٹی شٹرڈاؤن ہڑتال

کوئٹہ۔ 09 اگست (اے پی پی) بلوچستان نا پوریا گر تنظیمک سانحہ کوئٹہ نا برخلاف مچ آ بلوچستان اٹی شٹرڈاؤن ہڑتال کریر۔ مچ آ شاراٹی ہڑدے آنبار نا رداٹ ٹریفک رواہی روان و سیکورٹی نا سخت بست و بند کننگا۔ سرجم احوال آتارداٹ سے شنبے آ بلوچستان نا پوریاگر تنظیم تا کنڈآن سانحہ کوئٹہ نا برخلاف مچ آ بلوچستان اٹی شٹرڈاؤن ہڑتال کننگا۔ داوخت آ انجمن تاجر نا صدر عبدالرحیم کاکڑ، یاسین مینگل ، حضرت علی و ایلوفک کوئٹہ ٹی واقعہ ناسخت مذمت ءِ کرسا پاریر کہ داوڑنا واقعہ انسانی سوز واقعہ اسے ہرانا نن مذمت ءِ کینہ ہراٹی بلوچستان نا پوریاگر تنظیمک کوئٹہ ٹی مروک آ افسوزناک واقعہ نا ترندانگا لوز اٹی مذمت ءِ کرسا پاریر کہ شہید آتون یکجہتی نا درشانی کن شٹرڈاؤن ہڑتال کننگانے ۔

پوریاگر راہشونک وکلاء راہشون، صحافی تتون اوار غٹ شہید آتے خراج عقیدت پیش کرسا حکومت آن خواست کریر کہ دا است ہسون واقعہ ٹی اوار دہشت گردآتے اوفتا کروک نا سزاتننگے۔ داوخت آ مچ آ شاراٹی معمول نارداٹ ٹریفک رواہی روان ئس و سیکورٹی نا سخت بست و بند کننگاسس۔