ڈیرہ مراد جمالی نا خڑک ریلوے ٹریک آ تخریب کاری نا کوشست بے سہب، بمب ءِ 5گھنٹہ آن پد ناکارہ جوڑ کننگا، پولیس

ڈیرہ مراد جمالی(پاکستان نیوز پوائنٹ 06مارچ2017ء) ڈیرہ مراد جمالی نا خڑک ریلوے ٹریک آ تخریب کاری نا کوشست بے سہب، ٹریک انا کیرغ تخریب کار آتا کنڈآن خلوک آ بمب ءِ 5گھنٹہ آن پد ناکارہ جوڑ کننگا، پولیس نا رداٹ ڈیرہ مراد جمالی نا خڑک گلاب لاڑو نا ہند آ ریلوے ٹریک آ تخریب کاری ءِ بے سہب جوڑ کننگا تخریب کار آک ٹرین تے نشانہ جوڑ کننگ کن ٹریک نا کیرغ ریموٹ کنٹرول بمب اس تخاسر احوال ملنگ آ بمب ڈسپوزل اسکواڈ ٹیم ءِ سبی آن بٹنگ انگا و راولپنڈی آن کوئٹہ آ ہنوک آ جعفر ایکسپریس ءِ ڈیرہ اللہ یار و اکبر ایکسپریس ءِ جیکب آباد کوئٹہ آن پنڈی ، لاہور و کراچی ہنوک آ ٹرین تے سبی و ڈیرہ مراد جمالی نا اسٹیشن آتیا توننگا بی ڈی ٹیم 5گھنٹہ نا جہد آن پد بمب ءِ ناکارہ جوڑ کریر بی ڈی ٹیم نا رداٹ بمب ریموٹ کنٹرول و اونا وزن 4کلو آن 5کلو ئس تخریب کار آک ٹرین تے نشانہ جوڑ کننگ کن ریلوے ٹریک آ ریموٹ کنٹرول بمب تخاسر و اگہ بروخت احوال ملتوکہ تو دھماکہ اٹ بھلو بھس کاری اس مننگ کریکہ۔