کوئټه/لسبېله(پاکستان نیوز پوائنٹ 12نومبر2016ء) د بلوچستان لسبېله سيمې ته نزدې شاه نوراني كښې د مزار په خوا كښې د بمي چاؤدنې پېښې په نتيجه كښې 20 تنه مړه او 70 څخه زيات ژوبل شوي دي۔ دا چاؤدنه د زائرينو دھمال په مهال وشوه۔ د مړو په شمېره كښې د زياتوالي اندېښنه ده۔ بلخوا امنيتي ځواكونو سيمه محاصره كړې او روغتونونو كښې د بېړې حالت نافذ كړې شوې۔
د تفصيلاتو ترمخه د خالي په ماښام د بلوچستان لسبېله سيمې ضلعي هېډكوارټر اوتھل څخه 70 كلوميټره لرې د حضرت سخي شاه بلاول شاه نوراني په مزار زائرين دھمال كښې مشغول وو چې په دې مهال يوه درنه چاؤدنه وشوه چې په نتيجه كښې ئې 20 تنه مړه او 70 څخه زيات نور كسان ژوبل شول۔ د اطلاع ترلاسه كېدو سره سمدستي ایدھی اېمبولېنس ،اېف سي ٬ پوليس او لېويز اهلكار په لوئے شمېر د پېښې ځائې ته ورسېدل او د مرستې كارونه ئې پېل كړل۔
بلخوا امنيتي ځواك سيمه محاصره كړه ۔ ژوبل شويو كښې ځينې كسان كراچۍ ته هم رسولې شوي دي۔ د بلوچستان داخله وزير سرفراز بګټي د پېښې تصديق كولو سره ووئيل په فوري توګه د مړو شويو كسانو شېره په اړه هېڅ وئېلې نه شم۔ بياهم د مرستې ډلې د پېښې ځائې ته رسېدلې دي۔ ده ووئيل د شپې د تيرې په سوب چورلكې لېږلې نه شو۔ دبلوچستان د روغتيا وزير د لس كسانو د حق رسېدو تصديق كړے۔ په مړو شويو كسانو كښې كوچنيان او مېرمنې هم شاملې دي۔
