اسلام آباد ۔ (پاکستان پوائنٹ نیوز12دسمبر 2018ء) پخواني وزيراعظم شاهد خاقان عباسي وئيلي دي مونږ له احتساب څخه نه ېرېږو ولې د احتساب عمل كښې بايد انصاف تر نظره شي۔ د خواجه سعد رفيق پروډكشن آرډر دې جاري كړې شي۔ كله چې احتساب په انتقام بدل شي نو دا جمهوريت لپاره خطرناك شي۔ مونږ تحفظ نه انصاف غواړو۔ د شورؤ په ورځ قامي اسمبلۍ كښې د اعتراض په نكته شاهد خاقان عباسي ووئيل د دې ايوان غړې خواجه سعد رفيق تېره ورځ نيولې شوې۔
د قاعده 103 ترمخه دا د سپيكر ذمه واري وه چې هغه ايوان ته د ګرفتارۍ حكم واوروې ۔ ده ووئېل د مخالفې ډلې مشر د ګرفتارۍ هم تر اوسه كومه خبره رامخې ته نه شوه۔ كه مونږ د پارلمان د سرلوړۍ او آزادۍ خبره كوو نو دا ډول معاملو سره د پارلمان په اړه شكونه رامخې ته كېږي۔ ده ووئېل په اپوزيشن فشار لپاره د احتساب ادارې كارولې شي۔ ده ووئيل كه د اپوزیشن احتساب كېږي نو د حكومتي اكابرينو او ددوئي د خپلوانو سره دې هم بايد رعايت ونه كړې شي۔
شاهد خاقان عباسي ووئيل جهانګير ترين او بابر اعوان د سپريم كورټ ډائرېكشن باوجود آزاد ګرځي۔ ده ووئيل زه د احتساب په حق كښې يم كه مونږ كرپشن كړې وي نو مونږ دې ضرور ونيولې شؤو۔ ده ووئيل يوازې زمونږ ميډيا ټرائل شوې او دا به د پارلمان په ګټه نه وي۔ ده سپيكر ته خواست وكړو چې د خواجه سعد رفيق پروډكشن آرډر جاري كړې۔
