اسلام آباد (پاکستان نیوزپوائنٹ 17فروری2018ء) پاکستان دیاں مادری زباناں دا ادبی میلہ لوک ورثہ اسلام آباد اچ شروع تھی گئے۔ڈو ڈیہنواری میلہ انڈس کلچرل فورم ولوں لوک ورثہ اتے ادارہ استحکام شرکتی ترقی دے گانڈھے نال ترائے سالاں توں یونیسکو دے 12 فروری کوں منائے ونجنڑ آلے مادری زباناں دے عالمی ڈیہنہ دے حوالے تھیندا پئے۔میلے اچ 20 زباناں دے ہک سو توں ودھ شاعر، ادیب، اسکالرز، محققین اتے فنکار شریک ہین۔
افتتاحی اتے اختتامی اجلاساں توں علاوہ مختلف موضوعاں تے ہر ویلھے 20 توں ودھ نشستاں کرائیاں ویسن۔ایں سانگے مختلف زباناں دیاں 20 توں ودھ کتاباں وی جاری کیتاں گین۔ایکو سائنس فاﺅنڈیشن اتے پاکستان سائنس فاﺅنڈیشن ولوں میلے اچ باکلاں کیتے سائنسی سرگرمیاں وی کرائیان ویسن۔مادری زباناں دیاں کتاباں دا سٹال وی لایا گئے ، میلے اچ پورے ملک توں لوک گلوکار اپنڑے فن دا مظاہرہ کریسن۔
