اسلام آباد (پاکستان نیوزپوائنٹ 12 فروری2018ء) د سېنېټ غړو سناتور حاجي سېف الله بنګش ته د عقيدت پېرزوئنې وړاندې كولو سره وئيلي دي هغه ډېر مېلمه دوسته او ښه اخلاق لرونكې شخصيت ؤ۔ سيمې ٬ اولس او هېواد لپاره د هغه خذمات به ټول عمري ياد ساتلې شي۔ د ګل په ورځ د سېنېټ غونډه كې د سناتور سېف الله بنګش په مړينه د غمرازۍ قرارداد څخه وروستو ارواښاد ته د عقيدت پېرزوئنې وړاندې كولو سره سراج الحق ووئيل سناتور سناتور سېف اللھ بنګش مثبت سوچ لرونكې سياستمدار ؤ۔
هغه د هېواد ٬ قام او په خاص توګه د خېبر پختونخوا اولس خېر ښېګړې له ستر خذمات ترسره كړي ۔ د هغه په حق رسېدو سره ګوند ته ډېر زيان رسېدلې۔ سناتور سحر کامران ووئيل سېف الله بنګش د پيپلز ګوند اثاثه وه۔ د هغه په ناڅاپي مرګ مونږ ډېر خفه شوې يو ۔ سناتور عثمان سېف اللھ ووئيل هېواد او اولس لپاره د سېف اللھ بنګش خذمات به ټول عمري ياد ساتلې شي۔
سناتور حافظ حمد اللھ ووئيل سناتور سېف اللھ بنګش زړه كښې د هېواد او اولس دړد لرلو۔ هغه په سياسي مېدان كښې په زړه پورې كردار ترسره كړې۔ د هغه په حق رسېدل سېنېټ ٬ هېواد او صوبې لپاره لوئے زيان دے۔ سناتور الیاس بلور ووئيل سناتور سیف اللھ بنګش يو نوموړې كاروباري شخصيت ؤ۔ زمونږ يو ښه ملګرے ؤ۔ د هغه خذمات به ټول عمري ياد ساتلې شي۔ سناتور مشاھد اللھ خان ووئيل حاجي سېف الله ډېرې خوبۍ لرلې۔ ده دعا وكړه لوئے څښتن دې ارواښاد ته د خپل رحم په پلو كښې ځائې او غمجنې كورنۍ له د زغم توفيق وركړي۔
