اسلام آباد (پاکستان نیوزپوائنٹ27جنوری2018ء) د انډونېزيا د اولس مشر جوكو وېدودو وزيراعظم هاؤس ته په راتګ تود هركلې وكړے شو٬ وزيراعظم شاهد خاقان عباسي وزيراعظم هاؤس ته په راتګ د هغه هركلې وكړو۔ په دې موقع د دواړو هېوادونو قومي سرودونه وغږول شول۔ د انډونېزيا اولس مشر ته د پاك پوځ يوې چټك ډلې ګارډ اف آنر وړاندې كړو۔ ده د ګارډ اف آنر جاج واخستو۔
د دې نه پس د پاكستان د هوائي پوځ درې جے اېف 17 تھنډر الوتكو د ونګ كمانډر كاشف كمال په مشرې كښې تر 500 فټه لاندې پرواز كولو سره د دروند مېمله سلامي او د فلائي پاسټ پياوړې څرګندونه وكړه۔ په دې موقع د انډونېزيا اولس مشر جوكو وېدودو سره وفاقي وزيران محمد پروېز ملك٬ سردار اوېس خان لغاري٬ جام كمال خان٬ د خزانې سلاكار مفتاح اسماعيل او د خارجه سېكترې تهمينه جنجوعه پشمول په دستوره كښې موجود نور چارواكي هم معرفي كړے شول۔
