كراچې (پاکستان نیوز پوائنٹ 17اگست 2016ء) پاكستان كوسټ ګارډ په غېر قانوني توګه د پاكستان او اېران د پولې نه د تېرېدو په هڅه كښې 90 كسان نيولي دي۔ د خبر له مخې پاكستان كوسټ ګارډ د لټون په مهال په پلېري سړك ٬ پنوان روډ او شاه جهان روډ ﴿ د ګوادر٬ بلوچستان﴾ څخه په بېلا بېلو ګاډو او بسونو كښې 90 كسان نيولي دي چې پكښې يو افغانې٬ يو اېرانې٬ يو اومانې او 87 پاكستاني وګړي شامل دي۔
دې ټولو كسانو د كومو قانوني اسنادو نه بغېر په غېر قانوني توګه د پاكستان او د اېران په پوله د تېرېدو هڅه كوله۔ دا كسان پلټنو لپاره اېف آئي اے ته سپارل شوي دي۔ د يادنې وړ ده چې پاكستان كوسټ ګارډ د جنورې كال 2016م نه تر اوسه 1152 كسان په غېر قانوني توګه بهرنيو هېوادونو ته د تللو په هڅه كښې نيولي دي او اېف آئي اے ته ئې سپارلي دي.
