اسلام آباد (پاکستان نیوز پوائنٹ 13 اگست 2016ء) قوم به ﴿نن﴾ د اتوار په ورځ د ازادې 69م جشن دې عزم سره لمانځي چې خوږ وطن به د امن مركز جوړولې شي٬ د ترهګرې او انتهاخوښې سوچ به له مېنځه وړلې شي٬ هېواد د تيارو نه ايستلو او د پرمختګ او سوكالې منزل ترلاسه كولو لپاره به خپل ټول صلاحيتونه كارولې شي۔ د ازادې د جشن په موقع به په ټول هېواد كښې عامه رخصتي وي٬ د جشن په لړ كښې د بېرغ هسكولو تر ټولو لويه دستوره به سهار 8 بجې په كنونشن سنټر اسلام آباد كښې كېږي٬ اولس مشر ممنون حسېن او وزيراعظم محمد نواز شريف به په دې دستوره كښې بېرغ هسكوي۔
په دې موقع به ملي سندرې هم وړاندې كولې شي٬ د ګلګت بلتستان او د آزاد كشمير پشمول به د څلورو واړو صوبو په سرښارونو كښې هم د بېرغ هسكولو دستورې كولې شي۔ د ازادې د جشن په لړ كښې به په تعليمي ادارو كښې خاص دستورې كولې شي٬ په اسلام آباد كښې په سركاري ودانيو برېښنائي رڼاګانې جوړې كړې شوې دي او هر خوا ته قومي بېرغ په نظر راځي۔ په ټوله نړۍ كښې به هم د پاكستان په سفارت خانو كښې د ازادې د جشن دستورې كولې شي۔
په ازادې د ورځې په موقع د امنيت سخت انتظامات شوي دي۔ په غبرګو ښارونو اسلام آباد او پېنډې كښې به د اتوار په ورځ سهار د 6 بجو نه د غرمې تر 12 بجو پورې د موبائيل سروس بند وي۔ د اسلام آباد مېټروپولېټن كارپورېشن لخوا د اسلام آباد په لويو لارو او پلونو ځائ په ځائ سائن بورډونه لګول شوي دي چې پرې د پاكستان ازادې لپاره د قربانې وركوونكو مهمو لارښودو عكسونه لګول شوي او وطن والو ته د ازادې د ورځې مباركي وركړې شوې۔
په خارجه دفتر كښې د آرټ نندارتون اهمتمام شوے چې موضوع ئې مقصد لپاره فن ټاكل شوې۔ د وزيراعظم د خارجه چارو سلاكار سرتاج عزيز٬ د اطلاعاتو او خپرونو وفاقي وزير سناتور پروېز رشيد او د وزيراعظم خاص مرستيال عرفان صديقي به د نندارتون دوره كوي۔ د اسلام آباد هائي كورټ بار اېسوسي اېشن لخوا به په اقبال هال قومي بېرغ هسكولې شي٬ د پاكستان رېلوے لخوا د ازادې جشن په مناسبت چلول كېدونكې خاص ګاډې به د پېنډې نه نورو ښارونو ته روانېږي۔
د ازادې دا رېل ګاډې به د پېښور نه تر كراچې د څلورو واړو صوبو د مهمو ښارونو نه تېرېدو سره راتلونكې مياشت منزل ته رسي۔ د اګست د 13مې او 14مې نېټې په مېنځنې شپه به د اسلام آباد مېټروپولېټن كارپورېشن لخوا د شكرپړيا په پرېډ ګراؤنډ او ورلډ ټرېډ سنټر اسلام آباد كښې آتش بازي كېږي۔
