کوئټه (پاکستان نیوز پوائنٹ 06 اگست 2016ء) اولس مشر ممنون حسېن وئيلي دي د حکومت د مثبت او غوره معاشي پالېسيو په سبب د پاكستان د زر مبادله پنګې د هېواد د تاريخ ترټولو لوړې كچې ته رسېدلي دي۔ د ټولنې شعور لرونكې طبقې دې د حكومت ښه ګامونه په اولسي كچه په مثبت ډول رامخې ته كولو له خپل كردار ترسره كړي۔ د دې خيالاتو څرګندونه اولس مشر ګورنر هاؤس كوئټه كښې د قبائلي مشرانو نمائنده پلاوي سره خبرو كښې وكړه۔
په دې مهال د بلوچستان ګورنر محمد خان اچكزئۍ او اعلی وزير نواب ثناﺀ الله خان زهري هم موجود ؤ۔ اولس مشر ووئيل موجودہ حکومت ته د 2013 ټول ټاكنو په وخت د 14 زره 8 سوه ارب روپو قرضه ميراث كښې پاتې شوې۔ 2013 څخه تر 2016 د قرضو په حجم كښې 34 فيصد اضافه شوې۔ د دې په مقابله كښې 2008 څخه تر 2013 5 كلونو كښې ملكي قرضو كښې 200 فيصد زياتوالې شوې ؤ۔ موجودہ حکومت د وزیراعظم محمد نواز شریف په مشرۍ كښې فعاله معاشي اصلاحات كولو سره د تېرو درې كلونو په مهال د بهرنيو قرضو حجم تر 21 فيصد محدود كړے۔
اولس مشر ووئيل د خزانې وزارت سباؤن كښې د آئي اېم اېف څخه د نوې قرضه نه اخستلو پرېكړه كړې او دا يو ښه ګام دے۔ دې پرېكړې سره به د هېواد معيشت مستحكم او مضبوط شي۔ اولس مشر ووئيل پاك چين اقتصادي راهداري پاكستان لپاره د قدرت لخوا يو نعمت په دې به مونږ له شكر كولو سره دې څخه ګټه پورته كولو له بشپړ خواري محنت كول وي۔ اولس مشر ووئيل د سي پيك په لوئيديز روټ كښې به هېڅ بدلون كولے نه شي او په دې اړه خپور شوې ډنډورې بې بنسټھ دي۔ اولس مشر ووئيل هېواد د پرمختګ او سوكالۍ په لاره روان دے۔ اولس مشر په ګډون كوؤنكو زور راوړو چې هغوي دې د اولس په ګټه كښې پورته كېدونكي ګامونو او د دې مېوؤ څخه اولس خبر كړي دغسې چې د ښه ګامونو ډاډګيرنه وشي او د پرمختګ لړۍ روانه وساتلې شي۔
