ډېره غازي خان او تخت سلېمان سيمو كښې د سختو بارانونو او زيان اندېښنه ده٬ په بېړني حالت كښې بايد اولس سمدستي يو بل مرسته وكړي۔ نېشنل ډيزاسټر مېنجمنټ اتهارټې

اسلام آباد(پاکستان پوائنٹ نیوز 02 -اگست2016 ء) د نېشنل ډيزاسټر مېنجمنټ اتهارټې سينئر غړي احمد كمال وئيلي دي په راتلونكو ورځو كښې د ډېره غازي خان او كوه سلېمان په سيمو د سختو بارانونو او زيان اندېښنه ده٬ په بېړني حالت كښې بايد اولس په سمدستي توګه مرسته وكړي۔ پي ټي وي سره په خبرو كښې ده ووئيل په ټول هېواد كښې د پشكال روان بارانونه د موسميات محكمې د اطلاع نه 27 فيصده لږ دي۔ د راتلونكو دوه مياشتو په مهال د 20 فيصده زيات باران امكان دے۔ ده ووئيل په دې بارانونو كښې د ډېره غازي خان او كوه سلېمان سيمو كښې د سختو بارانونو او د زيان اندېښنه ده۔ ده ووئيل اېن ډي اېم اے په ښه ډول خپله وظيفه ترسره كوي۔