ہلمند نا گورنر نا صوبہ ٹی 300 امریکی فوجی نا تعیناتی نا خیرمقدم

ہلمند(پاکستان نیوز پوائنٹ 03 فروری2016ء) اوغان صوبہ ہلمند نا پوسکن آ گورنر حیات اللہ حیات ہلمند اٹی امریکی فوجی تا تعیناتی نا فیصلہ نا خیرمقدم ءِ کرسا اونا پاننگ ئس کہ امریکی فورس آتا کڑد بیرہ اوغان فورس آتا صلابت، چاروکی و تربیت اسکان محدود مریک۔ ٹیلی فون آ وائس آف امریکہ تون ہیت کرسا اوپارے کہ دا اسہ جوان ءُ فیصلہ اسے انتئے کہ ننا فوجی تے تربیت و سلہہ آن لیس کننگ نا گرج ءِ۔ ہندا ہفتہ اوغانستان کن امریکی انسپکٹر جنرل نا رپورٹ اٹی پاننگانے کہ ہلمند نا 14آن 8ضلع غاتیا طالبان تا کنٹرول یا اثرورسوخ قائم ءِ۔