کابل(پاکستان نیوز پوائنٹ 01 فروری2016ء) اوغانستان نا سویلی صوبہ ہلمند اٹی سیکورٹی فورس و طالبان تا نیام اٹ جھیڑہ غاتیٹی پین 19عسکریت پسند تپاخت کریر، قطبی اوغانستان اٹی یخ و برف انا کرود اسے نا تمنگ آن پین 10بندغ نا تپاخت کننگ ءِ پک کننگانے۔ اوغان میڈیا نا رداٹ کمامدارآک پاریر کہ ہلمند نا ضلع سنگین اٹی جھیڑہ غاتیٹی کم از کم 19طالبان تپاخت و 25ٹھپی مسنو۔
منہ دے مست امریکہ ہلمند اٹی پین 300 فوجی وخت اس کہ اسہ دے اس مست اوغان حکومت ہم ہلمند اٹی پین 600 فوجی تا تعیناتی نا پڑو کریسس داکان پد علاقہ ٹی شدت پسند آک تینا کارروائی تے ترند کرینو۔ قطبی اوغانستان اٹی یخ و برف انا کرود اسے نا تمنگ آن پین 10بندغ تپاخت کریر۔ کمامدارآتارداٹ یخ آن مروک آ مرک آک صوبہ جوز جان اٹی مسر۔ 5دے مست دا علاقہ ٹی یخ آن 27چناتا تپاخت ءِ پک کننگاسس۔ برفانی کرود اسے نا تمنگ نا زیات تر واقعہ غاک دے ٹکی صوبہ بدخشاں ٹی پیش بسر۔
