ہرنائی(پاکستان نیوز پوائنٹ 10جنوری2016ء) ڈسٹرکٹ ہیلتھ آفیسر ڈاکٹر محمد جاوید پارینے کہ ڈکھیا انسانیت نا خذمت ہی انسانیت نا معراج ءِ راج انا نادار و مسکین بندغ آتا بحالی بھاز بھلو صدقہ اسے، راجی تنظیمک سائبان ٹرسٹ آمبار نیکی نا جوزہ ءِ مون دیر تو ویل آتیٹی کمتی بریک۔ داخیال آتا درشانی ءِ او عالمگیر ٹرسٹ نا کنڈآن بریگیڈیئر (ر) عبدالرزاق بلوچ نا حوالہ کروک آ بلوچستان نا نیزگار الس ءِ یخ آن بچنگ کن باسن ءُ کمبل ہراکہ سائبان ویلفیئر ٹرسٹ نا چاروکی ٹی ضلع ہرنائی نا علاقہ زندہ پیر نا ہند آ نیزگار و نادار بندغ، جنوزان ، چوری چناتیٹی باسن ءُ کمبل بشخ وپانٹ کننگ نا بابت اڈ ہلوک آ دیوان آن تران کرسا کرے داوخت آ نجی بینک انا منیجر نویداللہ ترین، سائبان ویلفیئر ٹرسٹ نا بانی عبیداللہ رند و ٹرسٹ نا رضاکار موجود سائبان ویلفیئر ٹرسٹ نا بانی میر عبیداللہ رند پارے کہ سائبان ویلفیئر ٹرسٹ نا کنڈآن عالمگیر ٹرسٹ کراچی باسن ءُ کمبل بلوچستان نا نیزگار الس کن بریگیڈیئر (ر) عبدالرزاق بلوچ نا حوالہ کرے بریگیڈیئر (ر) عبدالرزاق بلوچ نا کمک اٹ سائبان ویلفیئر ٹرسٹ نا بانی عبیداللہ رند، ڈسٹرکٹ ہیلتھ آفیسر ہرنائی ڈاکٹر محمد جاوید ، نجی بینک انا منیجر نویداللہ ترین ہرنائی نا علاقہ زندہ پیر انا نیزگار و نادار بندغ آتیٹی باسن ءُ کمبل بشخ وپانٹ کرے ڈسٹرکٹ ہیلتھ آفیسر ہرنائی ڈاکٹر محمد جاوید عالمگیر ٹرسٹ کراچی، بانی ایس او ایس بریگیڈیئر (ر) عبدالرزاق بلوچ و سائبان ویلفیئر ٹرسٹ سبی نا کارکڑد انا ستاءِ کرسا پاریر کہ بایدے ایلو راجی تنظیم تے ہم مرے کہ او سائبان ویلفیئر ٹرسٹ آمبار نیزگار آتا کمک ءِ کننگ کن مون آ بریر سائبان ویلفیئر ٹرسٹ ڈکھیا و نادار بندغ آتا خذمت ہی انسانیت نا معراج ءِ و نادارا بندغ آتے بے لوث خذمت نا ننا دین اسلام ہم سبخ ایتک۔
ڈسٹرکٹ ہیلتھ آفیسر ڈاکٹر محمد جاوید ، نجی بینک انا منیجر نویداللہ خان ترین و زندہ پیر نا نیزگار الس سائبان ویلفیئر ٹرسٹ نا بانی میر عبیداللہ رند ءِ نیزگار الس ءِ یخ آن بچفنگ کن باسن ءُ کمبل تننگ آ اوفتا ستاءِ کریر۔
