شام انا تنکی سیاسی وڑاٹ ہی ایسر مننگ کیک، روس

ماسکو(پاکستان نیوز پوائنٹ 15دسمبر2016ء) روس انا وزیر خارجہ سرگئی لاؤروف شام انا تنکی نا سیاسی ایسری آ زورشاغسا پارینے کہ حلب آن سلہہ بند بندغ آتا کشنگ اِرامسہ دے اٹی پورو مریک۔ پنچ شنبے آ ماسکو ٹی میڈیا تون ہیت وگپ کرسا سرگئی لاؤروف پارے کہ شام اٹی سلہہ بٹوک آ سلہہ بند مخالف آتے رکھی انخلاء ناالمی ضمانت فراوان کننگک۔ اوپارے کہ سلہہ بٹوک آ سلہہ بند شام مخالف، تخوک آ راہداری نا کمک اٹ حلب آن پیشن ہِننگ کیرہ۔ اواومیت ظاہر کرے کہ حلب آن سلہہ بند مخالف آتا کشنگ، اِرٹ آن مسہ دے انا تہٹی پورو مریک۔ روس انا وزیر خارجہ اسہ وار ولدا داہیت ءِ زورشاغسا پارینے کہ شام انا تنکی صرف و صرف سیاسی وڑاٹ ہی ایسر مریک۔