کابل(پاکستان نیوز پوائنٹ 15نومبر2016ء) اوغانستان نا سیکورٹی فورس آک ملک انا کیہی بشخ آتیٹی کارروائی تا وخت کم از کم 25عسکریت پسند آتے کسفنگ نا داوا کرینو۔ غور اٹی جلہو اٹی سینئر ریونیو کارندہ تینا باڈی گارٹ تون اوار تپاخت، اوغان میڈیا نار داٹ وزارت داخلہ نا کنڈآن جاری مروک آ اسہ بیان اسے ٹی پاننگانے کہ تدوک آ دے ملک انا کیہی بشخ آتیٹی کارروائی تا وخت آ کم از کم 25عسکریت پسند کسکنو۔
دا کارروائیک کابل ، ننگرہار ، کنڑ ، پکتیکا، قندہار ، ارزگان، ہلمند ، ہرات ، غور، سرائے پل ، فاریاب ، بغلان و قندوز اٹی کننگار۔ داوخت آ 9عسکریت پسند ٹھپی مسر۔ نیامی صوبہ غور اٹی اسہ جلہو اسے ٹی سینئر ریونیو کارندہ تینا باڈی گارٹ تون اوار تپاخت کرے۔ دا واقعہ صوبائی دارالحکومت اٹی پیش بس۔ داوخت اسکان ہچ ءُ رڑ یا تنظیم اس داجلہو نا زمواری ءِ امنا کتنے۔
