واشنگٹن (پاکستان پوائنٹ نیوز29 نومبر2018ء) امریکی وزیر خارجہ مائیک پومپیو پارینے کہ ساڑی آ وخت سعودی عرب نا برخلاف کانودسازی کن جوان اف۔ مائیک پومپیو کانگریس اٹی سینیٹر آتے پارے کہ سعودی عرب تون تعلقداری تے ٹی کمتی امریکہ و ننا سیوتی تا قومی سلامتی کن اسہ بھلو غلطی اس مریک۔ ننے داوخت آ ایران نا کنڈان سنگین خلیس آتون مون تننگ کن سیوتی تا برخلاف دُن انگا گام گیج آتیان پاناد کروئی مریک ہراڑان ننا اسیجا جنگ زہمی مرے۔
اوپارے کہ ننے آن بیدس یمن نا جنگ اٹی اگہ امریکہ سعودی عرب نا کمک ءِ کپ تو اونا چٹفنگ نا زوت نوبت بفک۔ اومستی پارے کہ او داغٹ انٹیلی جنس رپورٹ آتا بنداو آ، ہرا اونا نظر آن گدرینگانو، سعودی ولی عہد شہزادہ محمد بن سلمان و سعودی صحافی جمال خاشقجی نا ترکی ٹی سعودی قونصلیٹ اٹی خون انا نیام اٹ براہ راست ہچ ءُ تعلق اس اف۔
