سرینگر (پاکستان پوائنٹ نیوز28نومبر2017ء) مقبوضہ کشمیر اٹی بھارتی فوجیک ریاستی دہشت گردی نا تازہ انگا کارروائی ٹی کولگام و پلوامہ نا ضلع غاتے ٹی پین چار کشمیری ورناتے شہید کریر۔ کشمیر میڈیا سروس نا رداٹ سے شنبے نادے بھارتی فوجیک مسہ ورناءِ کولگام نا علاقہ ریڈونی و اسٹ ءِ پلوامہ نا علاقہ ترال اٹی پٹنگ و گھیڑ کننگ نا کارروائی ٹی شہید کریر۔
ہراڑان جمعہ نادے آن داوخت اسکان شہید مروک آ ورناتا کچ ودسا 22مسنے۔ داکان مست ہندا علاقہ ٹی اسہ جلہو اسے ٹی اسہ بھارتی فوجی اس تپاخت و اِرٹ ٹھپی مسنو۔ آخیری احوال آتا ملنگ اسکان علاقہ ٹی فوجی کارروائی برجائس۔ ورناتا شہید مننگ آ برانز اکن خلقت ریڈونی و اونا ایب وکیب علاقہ و کولگام خلق اٹی روڈ آتیا پیش تمار و پرامن برانزی مچی اس کریر۔
