امریکی وزیر خارجہ ٹیکساس نا ہائی اسکول اٹی سم کاری آن تپاخت کروک آ پاکستانی طالب علم سبیکا شیخ نا خاہوت و سنگت آتون ہڑزخواہی نا درشان

واشنگٹن(پاکستان پوائنٹ نیوز 21 مئی 2018ء) امریکی وزیر خارجہ مائیک پومپیو امریکی ریاست ٹیکساس نا شار سانٹافے نا ہائی اسکول اٹی سم کاری ٹی تپاخت کروک آ پاکستانی طالب علم سبیکا شیخ نا خاہوت و سنگت آتون ہڑزخواہی نا درشانی ءِ کرینے۔ سبیکا شیخ امریکی وزارت خارجہ نا کنڈآن یوتھ ایکسچینج پروگرام نا رداٹ دا امریکی اسکول اٹی خواناکہ۔ تینا ہڑزخواہی کلہو اٹی مائیک پومپیو پارینے کہ سبیکا شیخ نا کزیت آ امریکہ و پاکستان اٹی ڈکھ و است ہسونی نا درشانی ءِ کننگانے ۔ جمعہ نا دے پیش بروک آ داواقعہ ٹی 10 بندغ خلنگاسر و ہنداخہ بندغ ٹھپی مسوسر ۔