شش میکو بجٹ ءِ پیش کننگ ننا حکومت کن اعزاز نا ہیت اسے،

بجٹ سیشن اٹی پارلیمنٹ ہاؤس اٹی خذمت سرانجام تروک آ غٹ ملازم آتے پنچ بنداوی پنداوڑی تا بریبر اعزازیہ تننگک، بنجائی وزیر خزانہ مفتاح اسماعیل

شش میکو بجٹ ءِ پیش کننگ ننا حکومت کن اعزاز نا ہیت اسے، 
بجٹ سیشن اٹی پارلیمنٹ ہاؤس اٹی خذمت سرانجام تروک آ غٹ ملازم آتے پنچ بنداوی پنداوڑی تا بریبر اعزازیہ تننگک، بنجائی وزیر خزانہ مفتاح اسماعیل

اسلام آباد(پاکستان پوائنٹ نیوز 18 مئی 2018ء) بنجائی وزیر خزانہ مفتاح اسماعیل پارینے کہ شش میکو بجٹ ءِ پیش کننگ ننا حکومت کن اعزاز نا ہیت اسے ، معاشی شونداری نا سفر برجاسلک و الس تون کروک آ غٹ وعدہ غاتے پورو کینہ۔ جمعہ نا دے بنجائی بجٹ نا منظوری آن پد تینا گونڈ ءُ تران اسے ٹی اوپارے کہ اللہ تعالیٰ نا شکر ءِ ادا کیوہ کہ ننا حکومت پدریسہ شش میکو بجٹ ءِ پیش کرے و ملک و قوم انا خذمت نا ننے توفیق تس۔

اوپارے کہ بجٹ معاشی شونداری نا سفر نا تسلسل نا آئینہ دار مریک ہرا مشکل ضرور ءِ ولے مسکوہی وزیراعظم نواز شریف، وزیراعظم شاہد خاقان عباسی نا وژن نا سوب معاشی شونداری نا سفر ءِ طے کرینے، ننے اومیت ارے کہ پین وخت اس ہم دا برجاسلک۔ اوپارے کہ بجٹ نا تیاری ٹی پارلیمنٹ نا باسک، اسپیکر، سینٹ نا باسک آک و تعلقدار ادارہ غاتا آفیسر و عملہ نا منت وار اُٹ ہراک بجٹ نا وخت آ بے مثل کمک نا درشانی ءِ کریر۔

اوپارے کہ قومی اسمبلی ، سینیٹ، پی ٹی وی، پی آئی اے ، سی ڈی اے ، اے پی پی، ریڈیو ، پی آئی ڈی تون اوار بجٹ سیشن اٹی پارلیمنٹ ہاؤس اٹی خذمت سرانجام تروک آ غٹ ملازم آتے پنچ بنداوی پنداوڑی تا بریبر اعزازیہ تننگک۔ داوخت آ اسپیکر پارے کہ مہالونا وار پڑو مروک آ اعزازیہ نا پیسہ غاک ننے داسکان تننگتنو۔ وزیر خزانہ پارے کہ اعزازیہ نا پیسہ غاتے او تینا حکومت نا مد پورو مننگ آن مست ادا کیک۔