بھارت اٹی طوفان و پِر، کم از کم 11 بندغ تپاخت ، 25ٹھپی

نئی دہلی (پاکستان نیوزپوائنٹ 10 مئی 2018ء) قطبی بھارت اٹی طوفان و پِر تا سوب کم از کم 11 بندغ تپاخت و 25ٹھپی مسنو۔ جرمن خبر رساں ادارہ نا رداٹ بھارت اٹی اسہ ہفتہ سے ٹی بروک آ دا ارٹ میکو دُن انگا طوفان ءِ۔ بھارتی کمامدارآتا پاننگ ءِ کہ اترپردیش نا دیکی ٹی بروک آ دا طوفان نا سوب درخت آک ماس آن پیش تمانو وخت اس کہ چندی اُراک ہم دڑنگانو۔ کیہی شارک و خلق آتے ٹی بجلی نا نظام درہم برہم مسنے۔ داکان مست بروک آ طوفان اٹی اسہ سد ءُ بیست بندغ تپاخت و دوسد نا خڑک ٹھپی مسوسر۔ شش ہفتہ غان پد بھارت اٹی بشام نا پِرک ہم بناء کننگ والا ءُ۔