اقوام متحدہ (پاکستان نیوزپوائنٹ 26اپریل 2018ء) پاکستان ءَ سرجمیں دگنیا ءَ مھکمیں ایمنی ءِ برجائی ءِ واستہ کوھنیں جیڈھ آنی سرءَ دلگوشی کنگ ءِ لوٹ کتگ۔ اے لوٹ اقوام ءِ متحدہ ءَ پاکستان ء، مستقل ، مندوب ڈاکٹر ملیحہ لودھی ءَ اقوام ءِ متحدہ ءِ جنرل اسمبلی ءَ مھکمیں ایمننی ءِ بُن گپ ءِ سرءَ باست ءُُ واست ءِ ساھت ءَ ھیالانی درشانی کنان ءَ کت۔
پاکستانی مندوب ءَ گو شت کہ مھکمیں ایمنی ءِ برجائی ءِ کشک ءِ بنگیج ءِ وڑ رھبند ایشی ءِ سرجمیں اکنالجمنٹ ءَ چہ بیت۔ اقوام ءِ متحدہ ءِ باسکیں ملک آں مھکمیں ایمنی ءِ برجائی ءِ ارزشت ءِ سرءَ تپاک کت بلے آواں اے تپاک نامہ ءَ را اے رد ءَ راستیں منگ نامہ نہ کت۔ سرجمیں سیاسی کاری کجام ھم جیڈھ ءَ را گیوار کنگ ءِ کجام ھم بھر ءِ رد ءَ بہ بیت۔ دو روچی دویوان ایشی ءِ تہ ءَ سرجمیں دُگنیا ءَ مملکت ءُُ حکومت آنی سروک ءُُ وزیر آں بھر زوری کت ایشی ءِ مول ءُُ مراد جنرل اسمبلی ءِ منوگر 70/262 ءُُ سلامتی کونسل ءِ منوگر 2282 (2016) ءِ چیر دستی ءَ جیڈھ آنی ھلاسی ءِ جزم ءِ کنگ اِنت ایش میاں اوستمانی ادارگ ءِ چارٹر ءِ بھر اِنت۔
اے موہ ءِ سرءَ اقوام ءِ متحدہ ءِ سیکرٹری جنرل انتونیو گوررش ءُُ جنرل اسمبلی ءِ صدر ءَ ھم ھیالانی درشانی کت۔
