نیویارک(پاکستان نیوز پوائنٹ 20ستمبر 2016ء) مزن وزیر محمد نواز شریف ءَ سعودی ولی عہد ءُُ سعودی عرب ءِ نائب مزن وزیر شہزادہ محمد بن نائف بن عبدالعزیز ءَ نیویارک ءَ گند ءُُ نند کرتگ، گند ءُُ نندءَ مزن وزیر ءِ مشیر برائے خارجہ امور سرتاج عزیز ءُُ سیکرٹری خارجہ اعزاز احمد چوہدری ہم ھوار ات۔ گند ءُُ نند ءِ وھد ءَ دوئیں راھشن آں پاکستان ءُُ سعودی عرب ءِ نیام ءَ شریں دو نیمگی سیادی ءِ سرا تسلا ءِ درشانی کرتگ چوشکہ دوئیں ملک امت مسلمہ ءِ دو ھاسیں تمبئو ہم است انت۔
مزن وزیر محمد نواز شریف ءَ سعودی عرب ءِ سلامتی ءُُ دمگی سالمیتءِ ھلاپ یک ہم وڑیں ھترہ ءَ رکھگ ءِ ھاتر ءَ کمک ءِ ازم ءِ عہد کرتگ۔ مزن وزیر ءَ گندءُُ نند ءِ وھد ءَ مقبوضہ جموں ءُُ کشمیرءَ بھارتی زلم ءُُ زوراکی ءِ باروا آگاہ کنگ ءَ گشتگ کہ بھارتی مقبوضہ فورس ءَ جموں ءُُ کشمیر ءِ درستیں ریاست ءَ جیل جوڑ کرتگ انت۔ مزن وزیر نواز شریف ءَ بھارتی حکومت ءِ ساڑی دھمکی خیز بیان آنی ھوالہ دئیگ ءَ گشتگ کہ اے وڑیں بیان ءَ پورا خطہ ءِ امن ءُُ محکمہ ھترہ ءَ کپیت۔
مزن وزیر محمدنواز شریف ءَ اے گپے سرا زور داتگ کہ میاں استمانی برات آں مسئلہ ءِ سکی ءِ احساس کنگ لوٹیت ءُُ اے سیاسی مسئلہ ءَ اقوام متحدہ ءِ سلامتی کونسل ءِ قرارداد آنی ردا کشمیری اُلس ءِ امیت آنی ردا سول ءُُ تران ءِ ذریعہ ءَ ھل کنگ لوٹیت۔ ہمے وڑ ءَ کشمیری اُلس ءَ وتی مزل ءِ وت پیسلہ کنگی انت۔ مزن وزیر محمد نواز شریف ءَ او آئی سی ءُُ دومی سلامتی ملک آنی سرا زور داتگ کہ آ وادی کشمیر ءِ وتی مسلمان گہار ءُُ برات آنی ھاتر ءَ توار چست بہ کن انت آئی ءِ انسانی حقوق بھارتی سیکورٹی فورسز وحشیانہ طاقت ءِ کار مرز ءَ پامال کنگ ءَ انت۔
مزن وزیر محمد نواز شریف ءَ سعودی ولی عہد ءَ ناشرکاری ءِ ھلاپ پاکستان ءِ آپریشن ضرب عضب ءِ سر سوبی ءِ گوں ھواری ءَ ملک ءَ شد ت پسندی ءِ ھلاسی ءِ راجی ایکشن پلان ءِ سرا پیشرفت ءِ باروا ہم گشتگ۔ دوئیں راھشون آں اے ازم ءِ عہد کرت انت کہ درستیں مسلم امہ ءَ شدت پسندی ءِ اے ھترہ ءَ بچائینگ ءِ ھاترءَ اجتماعی وڑ ءَ کوشست کنگ ءِ ضلورت ات۔ دوئیں نیمگ ءَ دمگی جاورال ھاس کن اوگانستان ءَ امن کوشست ءِ گوں ھواری ءَ شام، عراقءُُ یمن ءِ جاورال باورا ہم ھیال ءُُ لیکھہ کرت انت۔
مزن وزیر محمدنواز شریف ء۔ مسلم دگنیا ءَ ہم آہنگی ءُُ تپاک پیداک کنگ ءِ الما زرتگ۔ گند ءُُ نندتوانائی ءِ شعبہ ءَ کمک، اقتصادی سیادی ءُُ سعودی عرب ءَ پاکستانی کمیونٹی ءِ کرد چوشیں چیز آنی سرا ہم ھیال ءُُ لیکھہ بوتگ۔
