اسلام آباد(پاکستان نیوز پوائنٹ 19ستمبر 2016ء) مزن وزیر ءِ مشیر برائے خارجہ امور سرتاج عزیز ءَ یک شمبے ءَ مقبوضہ کشمیر ءَ بھارتی فوجی کیمپ ءِ سرا اُرش ءِ ھوالہ ءَ پاکستانءِ سرا جتگیں بھارتی ڈوبہ ءِ بے بنیات ءُُ غیر ذمہ وار گشگءَ رد کرتگ انت ءُُ گشتگ انتکہ اے ڈوبہ مقبوضہ کشمیر ءِ ھراب بوؤکیں جاورال ءَ دیان دور کنگ ءِ بھارتی کوشست انت۔ وینزویلا ءَ نیو یارک سر بوھگ ءَ زوت پد وتی یک بیان ءَ مشیر خارجہ ءَ گشتگ کہ پاکستان بھارت ءِ سول ءُُ فوجی سروک آں اے وڑیں غیر مصدقہ ءُُ سک بیان ءِ سرا سک تحفظات داریت کہ آ گوستگیں روچ مقبوضہ کشمیر ءِ اوڑی سیکٹر ءَ بھارتی فوج ءِ سرا اُرش ءَ پد برجاہ کرت انت۔
آئی ءَ گشتگ کہ پاکستان بھارتی مزن وزیر نریندر مودی ءِ حکومت ءِ برزیں حکام ءِ نیمگ ءَ جتگیں بے بنیات ءُُ غیر ذمہ وارانہ ڈوبہ ءَ واضح وڑ ءَ رد کرتگ انت۔ مشیر خارجہ ءَ گشتگ کہ اے مقبوضہ کشمیر ءَ برہان وانی ءِ شہادت ءَ پد انسانی حقوق ءِ سکیں ھلاپ ورزی ءَ میاں استمانی برات آنی دیان دور کنگ ءِ بھارتی کوشست انت۔ بھارت ءِ غاصبانہ قبضہ ءِ ھلاپ احتجاج ءِ ساڑی لہر ءُُ 73روچ ءَ چہ دراجیں برجاہ کرفیو ءِ وھد ءَ یک سد ءَ چہ زیات بے گناہ کشمیری بیران ءُُ ہزار آنی ٹپی بوت انت۔
پیلٹ گن ءِ بازیں تیر کاری ءِ آسر ءَ کشمیری ورنا آنی مزنیں کساس وتی چم گار کرت انت۔ اے جاورال ءَ میاں استمانی برات آنی ضمیر بیدار بوھگ لوٹیت۔ سرتاج عزیز ءَ گشتگ کہ اے گپ قابل زار شانی انت کہ بھارت ءِ یک وزیر ءَ ابید یک پٹ ءُُ پول ءِ بھارتی فوجی کیمپ ءِ سرا اُرش ءِ ڈوبہ پاکستانءِ سرا جنتگ انت۔ آئی ءَ گشتگ کہ اے بیان میاں استمانی برات آنی گمراہ کنگ ءِ بھارتی کوشست ءِ بہر تاکہ مقبوضہ کشمیر ءَ بھارتی مظالم ءِ سرا پردہ مان کرت بہ کن انت۔
