اقوام متحدہ(پاکستان نیوزپوائنٹ 04اپریل 2018ء) اقوام متحدہ اوغان صوبہ قندوز اٹی مدرسہ غا فضائی بمباری ٹی لس شاری تا کہینگ نا جاست وپاست نا بناءِ کرینے۔ اوغانستان اٹی اقوام متحدہ نا کمکار مشن نا پاننگ ءِ کہ اونا ٹیم فضائی بمباری آن زہمی علاقہ ٹی سرمسنے ہرا مدرسہ غا بمباری ٹی مروک آ لس شاری تا تپاخت کننگ نا سرجم آتے دوئی کننگ ءِ۔ تینا ٹوئٹر کلہو اٹی (یو این اے ایم اے ) پارے کہ انسانی حق انا اسہ ٹیم اس ضلع دشت ارچی ٹی بمباری نا نشانہ جوڑ مروک آ مدرسہ نا ہند آ ساڑی ءِ، داٹیم بمباری ٹی لس شاری تا کہینگ نا بابت خبر آتا حقیقت ءِ ہُننگ و جانی نسخان نا بابت سنجیدگی اٹ غٹ تر پلو آتا جاچ ءِ ہلنگ ءِ۔
مشن غٹ جماعت و کڑدہ غاتے سلہہ بند جھیڑہ غاتے ٹی لس شاری تا جانی ومالی نسخان آن رکھ کننگ نا یات دہانی ہم کرفینے۔
