بیجنگ(پاکستان نیوزپوائنٹ 03اپریل 2018ء) وزیراعظم شاہد خاقان عباسی باؤ فورم ایشیا نا سالانہ دیوان اٹی بشخ ہلنگ کن چین نا دورہ ءِ کیک ۔ دادیوان 8 آن 11اپریل اسکان سویلی چین نا صوبہ ہینان اٹی ”گیشتر جہانی شونہالی کن اسہ کشادہ و جدت تخوک ایشیاء“ نا سرحال آ اڈ ہلیک۔ چینی وزیر خارجہ وانگ ژی سے شنبے نادے داڑے وزارت خارجہ امور اٹی احوال اٹی پارے کہ وزیراعظم شاہد خاقان عباسی ءِ دادیوان اٹی بشخ ہلنگ نا سلہ خلنگانے۔
داکان بیدس آسٹریا نا صدر، فلپائن نا صدر، منگولیا نا وزیراعظم، ہالینڈ نا وزیراعظم، سنگاپور نا وزیراعظم، اقوام متحدہ نا سیکرٹری جنرل و آئی ایم ایف نا منیجنگ ڈائریکٹر شرکت کیرہ۔ چینی وزیر خارجہ پارے کہ صدر شی جن پنگ وزیراعظم لی کیانگ و سرکڑدہ راہشون ہم داسالانہ دیوان اٹی شریک مریرہ۔ او ہڑتوم آ کنڈآتا ، کثیر الجہتی کمکاری، جہانی اسلوب حکمرانی ، معیشت و واپار آ ہیت وگپ کیرہ۔ اوپارے کہ چینی صدر فورم اٹی کلیدی تران کیک۔
