نیویارک (پاکستان نیوزپوائنٹ 24مارچ2018ء) اقوام متحدہءَ لہتیں ملکانی سفیراں ءُُ سفارتی جہگیراں ھواری ءَ دل دل پاکستان ملی سوت گوشتگ۔آہاں اے ملی سوت تپاکیں راجانی گل ءَ پاکستان ءِ پکہ ءِ مندوب ملیحہ لودھی ءِ نیمگا چہ یوم پاکستان ءِ درگت ءَ داتگیں وش آتکی مراگش ءَ گوشت انت۔دیوان ءَ اقوام متحدہءِ تہ ایر لہتیں ملکانی سفارتی نماھندگ ءُُ سفارتکاراں مزنیں کساس ءَ بہر زوراتگ۔
اے موہ ءَ وتی گوشتانک ءَ پاکستانی سفیر ملیحہ لودھی ءَ پاکستان ءِ ہڈ دیگ ءِ ھوالہ ءَ قرار داد پاکستان ءِ منئگ ءُُ ارزشت ءُُ تحریک پاکستان ءَ پت ءُُ پیرینگ آنی کرد ءَ سرجم ءِ روژنی مان کتگ۔آہاں تپاکیں راجانی امن مشنز ءَ ھوار پاکستان مرد ءُُ زالبول کارندھءَ را خراج تحسین پیش کتگ۔ اے درگت ءَ سفیراں ءُُ سفارتکاراں ھواری ءَ ملیحہ لودھی ءَ گوں کیک کاٹ کتگ۔
اے موہ ءَ پاکستانی مشن ءَ پاکستان ءِ ہڈ ءُُ ایشی جنز ءِ رجدپتری ندارگ آنی عکسانی نماش ءِ ھم برجم دارگ بوتگ۔اے درگت ءَ اقوام متحدہ ءِ امن مشن ءِ تہ ہزمت دیوکیں زالبول کارندھانی ھم عکسانی نماش بوتگ۔ایشی ءِ ابید زند ءِ لہتیں تک ءَ کار کنوکیں پاکستانی زالبول راھشون بینظیر بھٹو ، محترمہ فاطمہ جناح ، ملالہ یوسفزئی ءُُ بینکار شمشاد اخترءِ عکسانی نماش ھم کنگ بوتگ۔
مراگش ءَ پاکستانی گشندھ ءِ پج ءَ سفارتی نماھندگ ءُُ پاکستانیاں مزنیں کساس ءَ ھوار بوت دل دل پاکستان ملی سوت گوشتگ ات۔مراگش ءَ عرب ملک، یورپی یونین ، لاطینی ءُُ افریقی ملکانی ھوار ءَ چین ، روس، ایران ، بھارت ، ترکی، ایران ، اٹلی ، برازیل ، سعودی عرب ، انڈونیشیا ، ملائشیا ، ویت نام ءُُ کروشیاءِ سفیراں ءُُ سفارتکاراں ءُُ ملکی ءُُ درملکی اھوالکاراں بہر زوراتگ۔(ن۔ا۔ج)
