بیجنگ (پاکستان نیوزپوائنٹ 22دسمبر2017ء) چین ، پاکستان ءُُ اوگانسان ءِ ڈنی کارآنی وزراء ءِ نیام ءَ اولی سئے فریقی گپ ءُُ تران 26دسمبر ءَ بیجنگ ءَ برجم بنت۔چینی رسانک در ءِ گوشگ ءِ ردا چین ءِ ڈنی وزارت ءِ جارچین ہوا چونگ اینگ ءَ گوستگیں روچ ءَ بیجنگ ءَ پریس کانفرنس ءِ نیام ءَ گوشت کہ چین ،پاکستان ءُُ اوگانستان ءِ ڈنی کارآنی وزراء ءِ نیام ءَ سئے فریقی گپ ءُُ گالوار 26دسمبر ءَ بیجنگ ءَ برجم بیت۔
دارچین ءِ گوشگ انت کہ اوگانستان ءُُ پاکستان ءِ یک ھمساھگ ءِ ملک ءِ بستار ءَ چین اے گپے پلہ مرزی کنگ انت کہ اوگانستان ءُُ پاکستان ءِ نیام ءَ سیادی وش بنت ءُُ ہکجاھیں دیمروئی ءِ ھاترا جہد کنگ بنت ۔آہاں گوشت کہ گوزوکیں سال جون ءَ چین ءِ ڈنی کارآنی وزیر وانگ یی ءِ تروتاب ءُُ پاکستان ءُُ اوگانستان ءِ نیام ءَ سئے فریقاں ڈنی کارآنی وزراء تبک ءِ یک سئے فریقی گپ ءُُ تران ءِ نظام ءِ جوڈ دیگ ءِ سرا تپاکی کتگ۔دارچین ءَ گوشت کہ گپ ءُُ تران ءِ نیام ءَ وت مہ وتی سیاسی اعتماد ءُُ پلہ مرزی ،دیمروئی کمک ءُُ رھوت،دیمپانی کمک ءُُ ناشرکاری ءِ گِر ءُُ دار ءِ وڈیں جیڈھ آنی سرا ھیال ریچی کنگ بیت۔
