سبی(پاکستان نیوز پوائنٹ یکم ستمبر 2016ء) وزیراعلیٰ بلوچستان سردار ثناء اللہ خان زہری پارینے کہ وزیراعظم ءِ پسماندہ و مر مر انا علاقہ غاتا الس نا مشکلات آتا احساس ءِ، سبی۔کوہلو شاہراہ بھاز اہمیت نا حامل ءُ، پنجاب کن ہم دا گونڈ انگا کسر ءِ۔ پنچ شنبے آ سبی۔کوہلو شاہراہ نا افتتاح نا وخت آ اڈہلوک آ دود آن تران کرسا وزیراعلیٰ پارے کہ اینو تاریخی دے اسے، مری و ایلو قبیلہ غاک ہم داڑے ساڑی ئسر، سیاسی و قبائلی حوالہ آن ہم دا سڑک اہمیت نا حامل ءِ، پنجاب کن ہم دا گونڈ ءُ کسر اسے۔
داسڑک نا جوڑ جاڑ آن پنجاب نا الس ہم دا کسر اٹ سفرکیرہ۔ اوپارے کہ بلوچستان نا مر مر انا علاقہ غاتا الس ءِ خاص وڑاٹ داڑآن فائدہ مریک۔ اووزیراعظم نا منت واری ءِ ادا کرے کہ او دا مشی و مرانگا علاقہ ٹی بس۔ اوپارے کہ اگہ حکومت ءِ الس نا تکلیف نا احساس متوکہ تو او ہم مسکوہی ناحکومت آتیامبار داشاہرا ہ ءِ نظر انداز کریکہ ولے حکومت و زیراعظم ءِ الس نا مشکلات آتا احساس ءِ۔ اوپارے کہ علاقہ نا الس نا ہم زمہ واری مریک کہ او داشاہراہ نا حفاظت ءِ کیر تانکہ الس اونا بھرم آتیان فائدہ ہرفنگ کے انتئے کہ دا سڑک الس کن ہی ءِ۔ وزیراعلیٰ بلوچستان داوخت آ ہندی سرکڑدہ و الس تون بلوچی زبان اٹی ہم تران کرے۔
