منیلا۔(پاکستان نیوز پوائنٹ 31اگست 2016ء) فلپائن اٹی منشیات آتا برخلاف چلیفوک آ مہم نا وخت آ تپاخت کروک آتا کچ 2000 مسنے ۔ چارشنبے آ احوالی تارداٹ اقوام متحدہ و انسانی حق انا گڑاس ادارہ غاک فلپائنی صدر روڈ ریگوڈیوٹر ٹے نا منشیات آتا برخلاف پولیس ءِ فری ہینڈ تننگ و بھلو کچ اسے آ پولیس نا کارروائی تیا گڑتی نا درشانی ءِ کریسس ۔ فلپائنی نیشنل پولیس بیورو نا رداٹ یکم جولائی آن ہلیس 20 اگست اسکان منشیات نا تقریباََ 900 سمگلرز و عادتی بندغ پولیس مقابلہ ٹی تپاخت کریر وخت اس کہ تدوک آ اسہ ہفتہ سے نا وخت آ ہندا تپاخت آک 141 مسر۔
نیشنل پولیس بیورو نا رداٹ منشیات نا ہلنگ و بہاء کننگ سمگلنگ و کاریم اٹ اتنگ آن تعلقدار دننگا 1100 تپاخت آتا جاست وپاست جاری ءِ ہرافتے پولیس آپریشن نا رداٹ اودیم قرار تننگ تویسس۔
