امریکہ، یورپ و ایشیاء ٹی خیسن نا نرخ آتیٹی کمتی

نیویارک(پاکستان نیوزپوائنٹ11نومبر2017ء) امریکہ ، یورپ و ایشیاء ٹی جم وڑاٹ خیسن نا نرخ آتیٹی کمتی مس ہرانا سوب امریکی خراج اصلاحات آتا بارواٹی بے یخینی نا سوب ڈالر نا شرح تبادلہ ٹی کمتی ءِ۔ جہانی میڈیا نا رداٹ نیویارک اٹی سپاٹ گولڈ انا وقفہ آن پد نرخ 0.7 درسد کم مرسا 1275.60 ڈالر فی اونس مس۔ امریکی خیسن نا دسمبر کن سودہ 13.30 ڈالر (1درسد) کمتی اتون 1274.20 ڈالر فی اونس طے مس۔ لندن اٹی سپاٹ گولڈ انا نرخ 1284.58 ڈالر فی اونس انا کہول آ فلیٹ سلیس۔ امریکی خیسن نا دسمبر کن سودہ 0.2 درسد کمتی اتون 1285 ڈالر فی اونس طے مس۔ ایشیاء ٹی سپاٹ گولڈ انا نرخ 0.1 درسد کم مرسا 1283.61 ڈالر فی اونس سلیس۔ امریکی خیسن نا دسمبر کن سودہ 0.3 درسد کمتی اتون 1284.20 ڈالر فی اونس پک مس۔