پاکستان نا آجوئی دے انا وخت آ بیجنگ اٹی پاکستانی سفارت خانہ ٹی بیرک ءِ چست کننگ نا پروقار ءُ دود اس اڈ ہلک

بیجنگ(پاکستان نیوزپوائنٹ14اگست2017ء) پاکستان نا 70 می آجوئی دے انا وخت آ دوشنبے نا دے بیجنگ اٹی پاکستانی سفارت خانہ ٹی بیرک ءِ چست کننگ نا پروقار ءُ دود اس اڈ ہلک داوخت آ چین اٹی پاکستان نا سفیر مسعود خالد سوز ہلالی بیرک ءِ چست کرے۔ دود انا بناء تلاوت کلام پاک آن مس وخت اس کہ بیرک ءِ چست کننگ آن پد قومی ترانہ ءِ ہم خلنگا۔ بیرک ءِ چست کننگ نا دود انا وخت آ پاکستانی سفیر صدر مملکت و وزیراعظم پاکستان نا خصوصی کلہو آتے خوانسا بنفے و دود آن تران کرسا پاکستانی برادری ءِ آجوئی دے انا مبارکبادی ءِ تس و پارے کہ اینو نا دے ننے احساس مریک کہ نن اسہ وت واجہ و آجو مملکت اسے نا شاری اُن۔

ہرانا آخبت روشناءِ۔ اوپارے کہ چین اتون ننا تعلقداری تیٹی ہر تدینگوک آ دے اتون اوار اوار ودکی مننگ ءِ۔ مسعود خالد پارے کہ چین پاکستان اقتصادی راہداری ڈٹ(سی پیک) آخبت نا بابت اسہ مزل اسے نا نشان نا حیثیت تخک۔ دود اٹی پاکستانی سفارت خانہ و قونصل جنرل نا کمامدار ، کارندہ ، اوفتاخاہوت و چین اٹی رہینگوک آ بھاز آ پاکستانیک شرکت کریر وخت اس کہ داوخت آ کیک اس ہم کاٹ کننگا۔