ناشرکاری ءِ اسلام ءَ گوں ھچ سیادیء ُ نزیکی نیست او آئی سیءَ سعودی عرب قطیف ءَ ناشرکاری ءَ را ایر جتگ

ریاض(پاکستان نیوزپوائنٹ 6جولائی2017ء) اسلامی کانفرنس ءِ گل او آئی سی ءَ گوستگیں روچ سعودی عربءِ رودرآتکی شہر قطیف ءَ ناشرکاری ءِ وئیل ءَ راسک باز ایر جتگ۔ ناشرکاریءِ اے کاروائیءِ نتیجگءَ یک سیکیورٹی اہلکارے شہید ء ُ آئیءِ سئے ھمراھ ٹپیگ بوتگ اَنت۔ سعودی ھال رسانکی وسیلگءِ ردءَ او آئی سی ءِ سیکرٹری جنرل ڈاکٹر یوسف بن احمد العثیمینءِ نیمگءَ چہ جاری بیانءِ تہا قطیف گورنری ءِ المسورہ کالونی ءَ ناشرکاری ءِ وئیلءَ را سک باز ایر جتگء ُ یک سیکیورٹے اہلکارءِ مرگءِ سرءَ اپسوزءِ درشانی کتگ۔

آئی ءَ ناشرکاری ءِ ھلاپ ءَ جاری جنگءِ تہا سعودی عربءِ ازمت ءَ را ساڑاتگ ء ُ گشتگ کہ ناشرکاریں سییکورٹی ادارگ آنی اہلکار آناں وج کنگء ُ ملکءِ تہا تکانسری پیداک کنگءِ پندل سازگءِ کوشست کنگءَ اَنت۔ ڈاکٹر العثیمینءَ گشتگ کہ ناشرکاری ءَ گوں اسلام ءَ ھچ وڑیں سیادی ء ُ نزیکی نیست۔ او آئی سی ناشرکاری ءِ دراھیں شکلء ُ دروشماں ایر جن اَنتء ُ آھانی ھلاپ ء َ سرجمی ءَ گامیگج چست کنگءِ گپءَ کن اَنت۔