یمن اٹی امریکی ڈرون جلہو اٹی القاعدہ نا 3 جنگوڑو تپاخت کریر

صنعاء(پاکستان نیوزپوائنٹ 17جون2017ء) یمن اٹی امریکی ڈرون جلہو اٹی القاعدہ نا 3 جنگوڑو تپاخت کریر۔ جہانی ذرائع ابلاغ نا رداٹ ہندی فوجی عہدیدار اس پن ءِ پاش کپننگ نا شرط آ ہفتہ نا دے پارے کہ امریکی ڈرون شبوا صوبہ نا علاقہ نقاباح ٹی اسہ گاڈی اسے نشانہ جوڑ کرے ہراٹی القاعدہ نا جنگوڑو سوار ئسر۔ اوپارے کہ داکارروائی یمن انسداد دہشت گردی یونٹ نا کنڈآن تروک آ انٹیلی جنس آ کننگا ہراٹی 3 جنگوڑو تپاخت کریر۔ اوپارے کہ تپاخت کروک آتیٹی شبواصوبہ ٹی القاعدہ نا راہشون نا ایلم اوارءِ۔ القاعدہ نا کنڈآن داکارروائی آ ہچ ءُ ردعمل اس ظاہر کننگ تنے۔