جہانی برادری بھارتی ہٹ دھرمی نا نوٹس ءِ ہلے کشمیر نا آخبت نا تعین ءِ کشمیری تا سلاہ ءِ ہلنگ آن بیدس کننگ مفک، سید علی گیلانی

سرینگر(پاکستان نیوز پوائنٹ 7اپریل2017ء) مقبوضہ کشمیر اٹی کل جماعتی حریت کانفرنس نا چیئرمین سید علی گیلانی امریکہ نا کنڈآن ثالثی نا پیش کش ءِ بھارت نا کنڈآن ٹکراہفنگ آ ردعمل ظاہر کرسا پارینے کہ داڑآن ثابت مریک کہ کشمیر آ چونکہ بھارت نا کوزہ نا ہچ ءُ آئینی یا اخلاقی جواز اس اف، ہنداخاطران اومذاکرات آن فرار نا کسر ءِ تینا کرینے۔ کشمیر میڈیا سروس نا رداٹ سید علی گیلانی سرینگر اٹی جاری بیان اٹی پارے کہ اقوام متحدہ جموں و کشمیر نا بابت چندی قرارداد آتے پاس کرینے وخت اس کہ بھارت و پاکستان دا قرارداد آتیا دستخط کرینے البتہ دا قرارداد آتیا عملدرآمد اٹی غٹ آن بھلا اڑاند بھارت نا غیر حقیقت پسندانہ رویہ و ہٹ دھرمی ءِ۔